Bak tae nature

Have your say

GREETINS oul freens.

Tha ither nicht A wus watchin sim cretter oan tha box, hoo taks lik heas howlin marbles in haes mooth, plantin a wheen o’ protas. He wus gan oan aboot gettin bak tae nature. Noo ye hae tae wunner hoo can oanyin git bak tae simthin that the’

wur niver oanywhur near in tha first place. Tha clasest thon cretter iver got tae nature wus tha fleurs oan tha china pattern o’ haes tay cup.

Noo I’m no claimin tae bae oany kind o’ expert oan tha ootdures bit A dae ken yin wee pert o’ it. Ye see A spent maist o’ ma younger days by tha tide. Oan tha strip o’ grun tha lees atween tha watter an tha lan. Monys an ‘oor A spent dannerin alang tha tides edge.

Stappin ivery noo an again tae skim stanes oor tae draw simthin in tha sand, ainly fer it tae wash awa befur A’d gan twathry feet.

Ay, tae ken oany place ye hae tae lee amang it. Ye hae tae know it in aa it’s saisons. Fae tha het, dry days o’ simmer tae tha coul, wet yins o’ wunter. Ye hae tae know whut it’s lik whun thur’s no a breath o’ air tae pairt tha gress an hoo it luks oan days whun tha wun wud cut ye lik a knife.

Simyin wha unnerstans tha wurkins o’ tha shore is tha Ulster-Scots writer Philip Robinson. In haes poem, ‘Ballyhaskin An Tha Whuskin’ (thon’s twathry mile ootside Millisle) he writes:

Tha strans o roak like yella-man,

Yinst streeched a pu’ed wi Michtie Han.

A thoosan blue-stane, slatey bans,

That bak-wash drains.

Whar leevin sea meets promised lan,

On its bare banes.

Thon’s tha wurds o’ simyin wha unnerstans a thing oor twa aboot whur he lees. Es daes tha writer o’ tha follaen wee verse, tha immortal Rabbie Burns. This is tha first verse fae haes poem ‘Composed in Spring’:

Again rejoicing Nature sees

Her robe assume its vernal hues,

Her leafy locks wave in the breeze

All freshly steep’d in morning dews.

Tae nixt time lang may yer lum reek an yer spicket dribble. Fer mere oul bletherins ye can tak a wee gleek at